Hari ini memang paleng lapar, mau makan enak tapi lagi kere. seng mungkin juga harus tahan lapar yah kecuali kalau lagi bulan puasa bole. akhirnya priksa coolcase *berharap ada sesuatu yang enak2. ternyata tar ada apa2. cuma ada bahan2 mentah yang musti diolah lai. su lapar bagini mau masa sesuatu yang capat jadi. akhirnya pilihan jatuh par biking asida karna kebetulan ada gula mera n tarigu. sebenarnya su parnah biking asida sebelumnya kira-kira 2 tahun lalu, cuma skarang su agak lupa, pas telpon mader vor tanya akang pung resep..beta : Hallo ma ada biking apa? ada sibuk ka?, mader : sadiki lai baru telpon e mama ada sibuk ni, hayoe sadiki itu seng tau kapan, bisa jadi 1 jam lai kaseng bisa 1 tahun lai. daripada baku tunggu vor tanya resep, labe biking sa deng andalkan resep dolo waktu pernah biking wakwauuu :D
Setelah kira2 1 jam asida ni akhirnya jadi, walaupun beta seng yakin akang pung rasa bagemana, tapi ya sutralah yang penting makan do jang sampe su kelaparan ancor bagini la takajo pingsan ka mati ka tarada yang tau. intinya makan dolo mau abis makan taboker2 ka apa ka seng papa, yang penting obat diapet harus slalu siap sedia sebagai pencegahan kali aja abis makan jadi diare alias taboker2 wekawekaweka
Ni penampakan asida yang diberinama "Asida asal hantam sabarang ancor lele" :D
Setelah kira2 1 jam asida ni akhirnya jadi, walaupun beta seng yakin akang pung rasa bagemana, tapi ya sutralah yang penting makan do jang sampe su kelaparan ancor bagini la takajo pingsan ka mati ka tarada yang tau. intinya makan dolo mau abis makan taboker2 ka apa ka seng papa, yang penting obat diapet harus slalu siap sedia sebagai pencegahan kali aja abis makan jadi diare alias taboker2 wekawekaweka
Ni penampakan asida yang diberinama "Asida asal hantam sabarang ancor lele" :D
Ini penampakan asida pas foto tanpa flash,n balom tabur gula alus n kayu manis alus hmm penilaian : bentuk seng talalu licin kaya yang dong jual di pujasera masohi haha,, pamalas kasbentuk akang barang ei :D
Foto deng flash :D, padahal mau pake flash ka seng ka rasa tetap sama sa haha
Foto pas su taru gula n kayu manis alus :D
Penilaian akhir : kalau dari skala 1-10, asida ini dapa nilai 6, cos talalu manis n hasilnya makan sapanggal, sapanggal lai buang haha, untung sa seng diare, tapi sukur jua akhirnya jadi kanyang n menghemat uang makan siang :D
